60 milljón króna eldhús.

Ég heyrði mann tala um að í Húsgagnahöllinni væri hinn blessaði Arion Banki að opna útibú bráðum.

Þar á bæ væru menn ekki að spara í innréttingum frekar en bankastjóralaunum og meðal annars væri starfsmannaeldhúsið að leggja sig á sirka 60 milljónir,

Allt í lagi segiði, fólk þarf auðvitað að borða en upp á fjórðu hæð í húsinu er að mér skilst vel búið eldhús sem önnur fyritæki í húsinu nota og ætti að fullnægja öllum þörfum starfsmanna Arion.

Gaman fyrir viðskiptavini Arion að vita í hvað vextirnir þeirra fara.

Úff.

Eins gott að við erum ekki að fara að halda Júróvísón þetta gæti tafið fyrir framkvæmdunum.

Mikill reykur frá Hörpunni

Hvar í fjandanum varð þessi bílvelta?

Ég bý enn hérna í Reykjadalnum eins og ég hef alltaf gert utan við þessi ár sem ég bjó á húsavík og eftir að hafa lesið þessa frétt þá hef ég ekki grun um hvar þetta ágæta fólk velti bílnum sínum.

Ég veit hins vegar að það var frá Hong Kong og allt svoleiðis.

Bílvelta á Húsavík

Rangfærslur bankastofnanna.

Ef ég man rétt þá er það þannig að ef það lenda peningar inn á bankareikninginn minn sem eiga ekki að fara þangað er ætlast til að þeir fari þaðan aftur með það sama. Hér í gamla daga í Sparisjóði Reykdæla var það nú þannig að maður sá stundum inn og úttektir sem komu til af þessu og allir voru bara sáttir.

En nú spyr maður sig hvort ekki verði ætlast til að lánþegarnir greiði snarhendis til baka hinar ólöglegur innlagnir?

Væri það ekki að sumu leiti eðlileg ráðstöfun miðað við aðstæður?

Sumir mundu væntanlega geta greitt upphæðina til baka en aðrir yrðu að taka ný lán til þess, þau lán yrðu lögleg og lántakendurnir væru lausir við gengisrugl síðustu tveggja ára.

Mér sýnist þetta vera sanngjörn lausn sem allt sæmilega viti borið fólk ætti að geta sætt sig við.

Áhrif dómsins að mestu til góðs

Mig langar að vita....

....hvort að þetta þýði ekki einfaldlega að þeir sem veðjuðu á myntkörfuna og töpuðu en hafa nú fengið leiðréttingu sinna mála samkvæmt því sem mér heyrist alla vega á talsmönnum þeirra verði nú með niðurgreidd lán á kostnað skattborgara sem þurfa að því er mér skilst líka að borga tap gjaldþrota lánastofnanna.

Ég held að þetta sé svartasti dagurinn frá því að hrunið varð.

Lán mögulega áfram verðtryggð

Djöfull væri nú gott að hafa herinn hans BB.

Þá væri hægt að skera niður útgjöld til hermála um tugi prósenta og sparnaður í velferðarkerfinu gæti beðið betri tíma.

Já það er nú auðvelt að vera vitur efitir á.

Allir gáfuðu friðarsinnarnir orguðu af vandlætingu yfir þessum forkastanlega vitlausu hugmyndum Björns Bjarna á sínum tíma og gerðu jafnvel óviðeigandi grín að BB. Stundum var hann jafnvel fótósjoppaður í einhverja herbúninga og jafnvel kallaður Bjössi Willis.

En nú væri gott að geta sparað í hermálaútgjöldum í staðinn fyrir að þurfa að sameina ráðuneyti og fleira álíka lítið spennandi.

Skriðdrekum fækkað í sparnaðarskyni

Hvað með aðra brotamenn?

Neyðist þjóðin til að gefast útrásarvíkingunum og pólitíkusunum sem tók hana vægðarlaust aftanfrá?

Ég afþakka pent að vera blessuð kýrin í því tilviki og held að skömm Sjálfstæðisfokksins verði bara að hafa sinn gang.

Ég segi allavega ekki já.

Neyddur til að giftast kú

Á íslenska þjóðin einhverja von.

Jú sennilega þá einu von að Davíð komi til baka og hrifsi stjórn Sjálfstæðisflokksins úr höndum hins veikgeðja Bjarna sem er algerlega ófær um að koma vandræðum flokksins beint á stóru styrkþegana.

Davíð virðist ætla að standa af sér ásakanir um að hafa með slugshætti í stjórn Seðlabankans stuðlað að verri útkomu þjóðarinnar í hruninu og ætlar nú að ríða fram hinn pólitíska völl og höggva mann og annan.

En sem betur fer mun hinn almenni kjósandi ekki vera búinn að gleyma þætti Davíðs í einkavæðingunni og öllu því rugli sem olli hruninu í upphafi og því mun Sjálfsstæðisflokkurinn undir forystu hans skreppa saman og verða hættulaus í nokkur ár.

Vonandi dugir sá tími til að fólkið í þessu landi kemur einhverri stjórn á vandamálin og víkingna sem en ganga lausir.